Breaking News
Home / Amharic / ታፍነው የታሰሩ የአዲስ አበባ ወጣቶች መፈታታቸው ተሰማ።

ታፍነው የታሰሩ የአዲስ አበባ ወጣቶች መፈታታቸው ተሰማ።

*****
የአማራ ብሔራዊ ንቅናቄ(አብን) ትናንት መጋቢት 01/2011 ዓ/ም በጋዜጠኛና ሰብአዊ መብት ተሟጋች እስክንድር ነጋ አዘጋጅነት የተጠራውን ስብሰባ ታድመው በሰላም ወደየቤታቸው ሲመለሱ በፖሊስ ተደብድበውና ታፍነው የታሰሩ የአዲስ አበባ ወጣቶች በአስቸኳይ እንዲለቀቁ በጠዋት ማሳሰቢያ መስጠቱ ይታወሳል። ወጣቶቹ መለቀቃቸውን የፌዴራል ፖሊስ አስታውቋል። አብን የወጣቶቹ መለቀቅ ተገቢና ትክክል መሆኑን ያሰምርበታል። ለወደፊትም መንግስት በሰላማዊ ዜጎች ላይ መሰል አፈናና እስር ከማድረግ እንዲቆጠብ ይጠይቃል።

ወጣቶቹ ያነሷቸው መሰረታዊ ጥያቄዎችንም የሚመለከታቸው አካላት ሁሉ በውል በማጤን መፍትሔ እንዲያበጁላቸውም አብን ጨምሮ ያሳስባል። ንቅናቄያችን በትናንትናው ውይይት የአዲስ አበባ ነዋሪዎች ያነሷቸውን ጥያቄዎች በሙሉ ይደግፋል። ለማስታዎስ ያህል፦

1) የፌዴራል መንግስትና የኦሮሚያ ክልላዊ መንግስት በአዲስ አበባ ላይ ከሚያደርጓቸው ማናቸውም ሕገወጥ እንቅስቃሴዎች እንዲታቀቡ፤

2) በኦሮሞ ሕዝብ ስም የሚንቀሳቀሱ ተንኳሽ ቡድኖች ከድርጊታቸው እንዲታረሙ፤

3) አዲስ አበባ በሕገወጥ ከንቲባና ካቢኔ መመራቷ ተገቢ ያለመሆኑን፤ እንዲሁም

4) የአዲስ አበባን ዴሞግራፊ ሆነ ብሎ ለማዛባት በኦሮሚያ ክልላዊ መንግስት በኩል የተደረገውን በመቶ ሺሆዎች የሚቆጠሩ ዜጎች ያለፈቃዳቸው በማስገደድ በሕገወጥ መንገድ ማስፈር ወንጀል በመሆኑ ተገቢው እርምት እንዲደረግ፤

የሚሉ የአዲስ አበባ ሕዝብ ጥያቄዎች መፍትሔ እንዲሰጥባቸው የአማራ ብሔራዊ ንቅናቄ የከተማውን ነዋሪዎች በማስተባበር በጽናት የሚታገል መሆኑን ደግመን እናሳውቃለን።

Check Also

በመላው አማራ ክልል ለአብይ ድጋፍ እንዲወጣ ማድረግ?

ይድረስ ለክቡር አቶ አገኜሁ ተሻገር በመላው አማራ ክልል ለጠቅላይ ሚኒስተር አብይ ድጋፍ እንዲወጣ ለማድረግ የአማራ …

Zoom Conference Today!

#አለም አቀፍ የበየነ መረብ(በዙም-Zoom) የተቃውሞ ጥሪ። በዐማራ ማህበር ዩናይትድ ኪንግደም እና ሞረሽ ወገኔ የአማራ ድርጅት …

Multi threaded Redundant Dedicated Server in USA and in Europe.